Lidè peyi Amerik di Sid yo rasanble nan kapital Brezil la jodi Madi a nan kad jefò Prezidan Brezilyen Luiz Inacio Lula da Silva ap fè pou l re-bay jefò entegrasyon rejyonal yo jarèt nan moman gen anpil chanjman politik sou kontinan an.
Analis yo di Lula konnen se yon bon opòtinite pou entegrasyon paske gouvènman aktyèl rejyon an pataje menm vizyon politik la e sanble li vle pou yo kowopere ansanm pa l'entèmedyè UNASUR - Unyon Nasyonal Amerik di Sid la.
Yo te tabli gwoup la sa gen 15 zan desa nan Brezil pandan dezyèm manda Lula a.
Blok rejyonal la te eseye entegre 12 nasyon Amerik di Sid la o pwen d vu kiltirèl, sosyal, politik ak ekonomik.