Otorite Ameriken yo di ajan Gad Fwontye yo tap reponn avètisman kòm kwa yon moun tap tire lè yo tire e touye yon nèg sou teritwa yon tribu endyen nan sid Arizona. Yo di Misye te voye yon bagay epi sanzatann leve bra li.
FBI ap mennen ankèt sou lanmò Raymond Mattia Jedi swa nan teritwa tribu Tohono O'Odham Nation nan.
Yon deklarasyon Pwoteksyon Fwontyè ak La Dwan pibliye Lendi, li deklare lapolis tribu a te mande ajan Gad Fwontyè yo ede yo reponn avètisman ki di gen yon moun kap tire tou pre kay yon manm tribi a, ki sitye tou pre fwontyè Etazini ak Meksik la.
Deklarasyon an di ajan Gad Fwontyè yo te louvri zam apre yo te kontre ak yon nèg ki te voye yon bagay epi sanzatann leve bra li anlè.