Gen yon douzèn peyi sou devlope kap fè fas ak enstabilite ekonomik e menm echèk total akoz plizyè santèn milya dola yo prete nan men peyi etranje. Anpil nan lajan sa a se Lachin ki prete yo li.
Yon analiz ajans nouvèl Associated Press fè sou kestyon an montre gen plis pase yon douzèn peyi ki dwe Lachin kob. Pami yo - Pakistan, Kenya, Zanbi ak Mongoli.
Peman dèt peyi sa yo ap konsome pi fo revni yo antre sou enpo ke yo bezwen pou bay popilasyon an sèvis esansyèl yo.
Prè sa yo finn epuize rezèv lajan etranje peyi sa yo paske yo oblije sèvi ak sa pou re-peye dèt yo. AP jwenn peyi ki nan pi gwo tchouboum yo gen ase lajan pou dire kèk mwa sèlman anvan ke pa rete anyen anko.