Yon hing-hang ant Prezidan Ekwatoryen an Guillermo Lasso ak Asanble Nasyonal la ke opozisyon an kontwole taka gen kom rezilta echèk youn nan 2 pati yo anvan fen semèn nan.
Poukisa? Eben se paske jodi Madi a, palmantè yo pral pouse pou pi devan ak yon jefo pou akise li ofisyèlman pou detounman fon. Pandansetan Lasso ap reflechi sou pouvwa konstitusyon an ba li pou disoud palman an.
Palmantè yo pare pou yo kontinye pwosesis pou wetire Prezidan zèl dwat la sou pouvwa a pandan yon sesyon unikameral asanble a ke Lasso sipoze asiste.
Sesyon an taka dire jiska Mèkredi, puiske akizatè Lasso yo ak moun kap defann ni pral pran la pawol pandan plizyè hè'd tan.