Pandan yon konferans pou laprès li te bay nan vil Kingston, kapital peyi Jamayik ansanm ak Premye Minis Andrew Holness, Sekretè-Jeneral Nasyonzini a Antonio Guterres te pale sou sitiyasyon Ayiti.
Pandan li tap reponn kestyon yon jounalis poze l sou sityasyon an an Ayiti li deklare ke "Pwoblèm Ayiti se pwoblèm nou tout".
Guterres di pwoblèm Ayiti a pa sèlman yon pwoblèm rejyonal, li afekte tout moun.
Chèf LONU an di li espere ka gen yon konsansis pou rezoud kriz la. Li plenyen tou dèske pi fò lajan peyi manm LONU yo te pwomèt kòm asistans pou Ayiti pat janm kontribye vreman vre.
"Se yon bagay ki enjis" Guterres deklare. Li ajoute ke non sèlman sistèm la enjis men tou le fèt ke li patka kenbe pwomès li te fè Ayiti, se yon bagay ki pa jis non plis.
Apa kriz Ayiti a, Guterres ak Holness te diskite sou chanjman klimatik ak refòm finansye.