Sekretè Jeneral Nasyonzini a Antonio Guterres vwayaje nan Kingston, Jamayik pou rankontre ak Premye Minis Andrew Holness.
Dapre LONU, responsab yo pral diskite sou divès kesyon, pami yo chanjman klimatik ki poze pwoblèm pou Karayib la epi sityasyon an nan peyi dAyiti.
Pa rapò ak Ayiti, Guterres ap eseye jwenn mwayen pou kominote entènasyonal la patisipe pi plis nan jefò pou jwenn yon solisyon pou kriz ensekirite a.
Guterres ak Holness gen pou bay yon konferans pou laprès ansanm apremidi a.