Turk te pale nan yon sesyon ann ijans Konsèy l-ONU pou Dwa Moun nan vil Jenèv an Swis, kote li di konfli a pouse “pèp sa a ki ap soufri anpil al tonbe nan katastwòf.”
“Mwen kondane moun ki ap fè vyolans san konsiderasyon pou lavi moun ak dwa fondamantal dè milyon konpatriyòt yo,” se Turk ki pale konsa.
Batay nan Soudan an te vin pi grav ayè mèkredi a, kote temwen rapòte frap aeryen, grenad ke wokèt lanse, ak kout zam ki ap chante nan plizyè katye.
Delegasyon lame a ak Fòs Repons Rapid yo reyini nan Arabi Saoudit depi prèske yon semèn. Yon diplomat loksidan ki abitye ak chita-koze yo di ajans nouvèl Reuters ke medyatè yo santre atansyon sou yon kanpo nan batay yo ak èd imanitè.
Sou-Sekretè Deta Etazini Victoria Nuland fè konnen negosyatè ameriken yo te eksprime “espwa men ak rezèv” kit se sou kesyon sispann batay la, kit se sou èd imanitè a.