Etazini pwal pèmèt avyon pasaje chinwa ogmante vwayaj nan lakay li pou rive nan 12 vòl ale-retou pa semèn, kidonk menm kantite vòl ke Peken aksepte lakay li pou liy avyon ameriken yo, se sa Depatman Transpò Etazini di mèkredi.
Pou kounyea se 8 vòl avyon pasaje chinwa ki gen dwa antre Etazini. Chak nan 2 peyi yo te gen dwa fè 150 vòl ale-retou anvan restriksyon pandemi Covid-19 yo nan koumansman ane 2020.
Avyon ameriken ak lòt avyon etranje pa gen dwa vole sou teritwa LaRisi kòm repons poutèt Etazini entèdi avyon ris vole sou teritwa ameriken depi mwa Mas 2022 apre LaRisi te anvayi Ikrèn nan.