BRASILIA, Brezil (AP) — Prezidan peyi Ajantin Alberto Fernández ak tokay brezilyen li, Luiz Inácio Lula da Silva, pwomèt Madi pou yo kontinye travay ansanm pou yo jwenn yon sistèm transfè lajan ki ta pèmèt yo pa sèvi ak dola ameriken pou fè komès ant 2 peyi yo.
Ekonomi Ajantin frajil anpil apre peso a te pran anpil kou nan mache finansye a, sa ki vin lakòz lajan sa a pèdi valè net al kole nan fen mwa ki sot pase a, epi epwize rezèv dola ameriken li nan bank santral la.
Anpil moun t ap atann Madi pou 2 peyi yo ta revele yon sistèm ki ta pèmèt konpayi Ajantin yo kontinye fè komès ak Brezil san yo pa oblije itilize dola a.
Men apre yon reyinyon apreprè 4 èdtan, 2 prezidan yo te moutre klè ke yo yap kontinye travay sou kèk detay.