Kremlen an fè konnen madi Prezidan Vladimir vizite rejyon Kherson ak Luhansk ke LaRisi te anekse an Septanm ane pase nan lès Ikrèn, kote li resevwa rapò nan men kòmandan militè yo.
Kremlen an pibliye yon video ki moutre kote Putin ap di kòmandan yo li enpòtan pou li tande opinion yo epi boukante enfòmasyon.
Madi, minis afè etranjè yo nan gwoup G7 la pibliye yon deklarasyon an komen ki kalifye envazyon LaRisi nan Ikrèn nan kòm yon « vyolasyon serye kont Lalwa entènasyonal » e yo reklame pou LaRisi wete twoup li imedyatman san kondisyon.
Yon lòt kote, kèk manm Inyon Ewòp la deside entèdi pou yon bout tan enpòtasyon sereyal ak lòt atik ki soti Ikrèn.
Slovaki mete ak Polòy e ak Ongri lendi pou anonse ke yo entèdi enpòtasyon pwodui agrikòl bon mache ki ap soti nan sant ak lès Ikrèn poutèt sa ap kraze biznis fèmye lokal yo.
Polòy ak Ongri te di Samdi a entèdiksyon yo ap rete jouk rive 30 Jen.