Ajans Nouvèl ofisyèl Santral Koreyen fè konnen lidè Kim Jong Un te sipèvize jedi lansman misil Hwasong-18, ki, dapre sa li di, se ta yon gran pa nan efò pou peyi a dekouraje atak estratejik kont li, e mete l nan pozisyon pou li fè pi bon kont-atak.
Kim eksprime gwo satisfaksyon pou siksè sa a ki se yon mirak pou li, » dapre KCNA ki ajoute ke lènmi peyi a yo pwal fè fas kounye a ak « kè-sote ekstrèm, ak laperèz, sa ki ap fè yo regrèt ke yo te fè move chwa nan dezespwa. »
Sa fè lontan depi Kore di Nò te vle devlope ICBM ki sèvi ak kabiran solid, ki, an teyori, pi difisil pou advèsè tankou Etazini detekte e chache bloke.
Anvan sa, li te konn anbake kabiran likid, bagay ki pran plizyè èdtan e mande pou gen ekipman sofistike, e ke lòt peyi ka wè byen fasil etan nan lespas.
Kabiran solid la pi estab, e konsa misil yo tou pare ak kabiran, e tou yo pi fasil pou deplase nan lagè.