TAIPEI, Taiwan (AP) — Ministè defans Taiwan di ke lame Lachin voye plizyè douzèn avyon de gè ak 11 bato de gè nan direksyon zile a pou moutre fòs li apre vwayaj prezidan Tsai a sot fè nan peyi Etazini.
Lame Chinwa a te anonse anvan sa ke li ta pwal fè "patwouy ekzèsis pou konba" kòm yon avètisman pou Taiwan.
Aksyon sa yo vini apre vwayaj Prezidan Tsai Ing-wen Ozetazini, kote li te rankontre ak lidè Chanm Depite ameriken an.
Lachin reponn ak sanksyon kont moun ki asosye ak vwayaj li a e li ogmante aktivite militè toupre zile a.
Ministè defans Taiwan di ke yo detekte 70 avyon Chinwa dimanch swa jiska bonè lendi ki rive nan mwatye distans ki separe Lachin ak zile a.