2 elikoptè Black Hawk Lame Amerikèn fè aksidan nan eta Kentucky pandan yon misyon fòmasyon Mèkredi swa, kote "plizyè moun viktim", dapre otorite yo.
Elikoptè yo ki soti nan 101yèm Divizyon avyasyon militè a tonbe nan zòn 10 zè nan aswè Mèkredi nan Trigg county nan Kentucky, o nòdwès Fort Campbell, se sa baz militè a di nan yon kominike.
101st Airborne Division fè yon tweet kote li di
"Nou ka konfime ke 2 avyon ki soti nan 101st la te enplike nan yon aksidan yè swa ki fè anpil viktim".
"Kounye a, nap konsantre efò nou sou sòlda yo ak fanmi yo ki enplike yo."
Gouvènè Kentucky a, Andy Beshear, di sou twitter :
"Nou gen kèk move nouvèl ki soti nan Fort Campbell, ak rapò sou yon aksidan elikoptè, nou kwè ap gen lanmò”.
Li di ke lapolis Kentucky ak sèvis dijans yo te reponn.