WASHINGTON (AP) — Administrasyon Biden nan anonse ayè lendi-a li pwal pèmèt anpil moun Ikrèn ki te antre Etazini sou fwontyè sid-la rete nan peyi-a pou yon lòt ane nan kad pwogram ki rele pawòl imanitè a.
Toutotan envazyon LaRisi nan Ikrèn-nan ap kontinye ansanm ak kriz imanitè ke li lakoz-la, bagay ke nou pa te janm wè anvan, Depatman Sekirite Enteryè Etazini wè, toujou gen rezon imanitè pou pwolonje pawòl imanitè-a pou moun Ikrèn ak fanmi-yo, selon sa nou detèmine pou chak moun ke nou konsidere,” se sa yon pòtpawòl DHS, Depatman Sekirite Enteryè, di nan yon imèl.
Pawòl imanitè-a se yon estati imigrasyon tanporè ke Etazini akòde moun ki, san sa, pa t-ap kalifye pou rete Etazini. Refijye ka jwenn kalifikasyon selon sikonstans tankou yon ijans medikal oubyen yon kriz imanitè. DHS kalkile ke sa ka pran apeprè 4 semèn pou revize ka refijye imanitè ki kalifye pou pwolonje pawòl-la.