Otorite nan Lapolis di Ajans France Presse (AFP) rapè Costa Titch a tonbe sou sèn pandan li tap bay yon konsè nan Afrik di Sid, kote rapè a te popilè anpil.
Lapolis di ke atis ki te gen 27 lane te "tonbe pandan li te tap pèfòme" Samdi swa toupre kapital la Johannesburg, e pèdi lavi l .
Yo pako konnen kòz lanmò rapè a, men otorite yo gen entansyon fè otopsi li.
Lanmò atis la rive yon mwa apre asasinay yon lòt rapè popilè nan Afrik di Sid, Kiernan Forbes ke yo te touye pandan li tap soti nan yon restauran.
Costa Titch te popilè anpil akoz mizik li "Big Flexa", ki gen plis pase 45 milyon view sou Youtube.
Anpil moun pataje sou rezo sosyal yo videyo kote atis la te tonbe a. Rapè a, ki sete yon Blan, te kenbe mikwofòn li nan men li, li te tonbe yon premye fwa, men li te leve e kontinye chante, men li tonbe yon lòt fwa ankò e fwa sa a li pa leve.