Apre Pap Franswa te deklare ke peyi Nikaragwa gen "yon diktati gwosye”, Minis Afè Etranjè Nikaragwa a di Dimanch ke peyi li ap konsidere sispann relasyon li ak Vatikan.
Ministè a di nan yon kominike, "Fas ak enfòmasyon ke sous ki konekte ak Legliz Katolik te pibliye, gouvènman Rekonsilyasyon ak Inite Nasyonal Nikaragwa a ap konsidere yon sispansyon nan relasyon diplomatik Nikaragwa ak Vatikan”.
Nan yon entèvyou ak jounal Ajantin Infobae vandredi a, Pap Franswa dekri rejim Prezidan Daniel Ortega a kòm yon diktati "diktati gwosye”.
Li ajoute "Se konmsi nou te vle tabli diktati kominis 1917 la oswa diktati ki te la sou Hitler nan ane 1935 la”.
Prezidan Nikaragwa a Daniel Ortega te deklare li menm nan fen mwa fevriye a ke se yon "mafya" nan Vatikan ki deside sou eleksyon Pap la ak tout lòt chèf relijye yo.