Kharkiv ki se dezyèm pi gwo vil nan peyi Ikrèn pa gen ni kouran, ni dlo ni chofaj Jedi apre Larisi te lanse plis pase 80 misil rapid sou enfrastrikti enèji nan tout peyi a.
Majistra Igor Terekhov bay enfòmasyon sa a sou televizyon lokal yo.
"Pa gen okenn elektrisite nan tout vil la. Nou transfere koneksyon nou sou dèlko pou enfrastrikti ki pi enpòtan yo.
Mwayen transpò ki depann de elektrisite pa fonksyone. Pa gen okenn chofaj ni dlo, paske rezo elektrik la pa bay okenn vòltaj. »