VIL MEXICO (AP) — FBI fè konnen ke nan vil Matamoros, sou fwontyè nò Meksik la gen 4 sitwayen ameriken ke bandi kidnape apre nèg ame yo te louvri kout zam sou machin yo.
4 moun sa yo te antre nan Matamoros, ki anfas Brownsville, Texas, Vandredi.
Yo t ap vwayaje nan yon minivan blan ak plak machin Kawolin di Nò.
Biwo Divizyon FBI San Antonio, Texas, di ke machin nan te fès fas kare ak kout zam yon ti tan apre li te antre nan Meksik.
Ajans la ap ofri yon rekonpans $50,000 pou jwenn tras viktim yo e arete koupab yo.
Nan Matamoros gen gwo lagè ant katèl dwòg yo.
Konsila Ameriken an pibliye yon alèt sou danje ki gen nan zòn sila vandredi.