Etazini pral anonse nouvo èd pou Ikrèn, dapre deklarasyon Mezon Blanch jedi san bay plis detay. Deklarasyon an sèlman di se sitou minisyon ki ap nan èd sa.
Konseye Mezon Blanch pou Sekirite Nasyonal John Kirby di,"Demen, Etazini pral anonse pou kont li nouvo èd pou Ikrèn,"
"Èd sa a pral sitou gen ladan minisyon pou sistèm ke Ikrèn deja genyen," li kontinye pou di ke minisyon yo ap sèvi sitou pou sistèm lansman fize Himars yo.
John Kirby pa t vle bay okenn lòt detay.
Anons sa a pral fèt nan moman kote Chanselye Alman Olaf Scholz ap vizite Mezon Blanch.
Peyi loksidan yo te pwomèt Prezidan Ikrèn Volodymyr Zelensky zam ak minisyon nan efò pou ede lame peyi a repouse nouvo ofansiv twoup Ris yo.