Avoka gouvènman-yo nan gwoup ke yo te fòme, sa pa gen lontan, pou konbat zak ki kont demokrasi-yo mande tou pou fèmen nan prizon kòm prekosyon 39 akize-yo ki te devalize Kongrè-a, e pou gouvènan-an bloke byen yo pou yon valè 7 milyon 700 mil dola pou ede repare dega materyèl-yo.
Yo anba akizasyon pou asosyasyon kriminèl ame, tantativ vyolan pou kraze lwa demokratik peyi-a, poutèt yo te òganize yon kou deta e fè dega nan pwopryete leta, se sa biwo komisè gouvènman-an di nan yon deklarasyon ekri lendi swa. Biwo-a pako revele idantite akize-yo.
Plis pase mil moun te jwenn arestasyon-yo nan deblozay 8 Janvye-a, ki te sanble tèt-koupe ak evènman 6 Janvye 2021, kote dechoukè te anvayi Kongrè Etazini-an lè yo t-ap chache ranvèse defèt ansyen Prezidan Donald Trump nan eleksyon mwa Novanm 2020 an.