Yon vag atak ayeryen Ris souke Ikrèn Madi, kote otorite yo nan rejyon ès ak wès peyi a di sistèm enèji ak lòt enstalasyon te sible. Otorite yo di elektrisite a koupe e nan kapital la gen bilding rezidansyèl ki andomaje.
Omwens 10 rejyon ak vil rapòte atak Ris yo te sible yo.
Atak la vini apre kèk jou kè kontan nan Ikrèn apre youn nan pi gwo siksè militè yo ranpote nan envazyon Ris la kap kontinye depi 9 mwa. Se konsa lame Ikrèn nan te reprann kontwòl vil Kherson.
Otorite yo ap travay pou rebati Kherson pi vit posib epi mennen ankèt sou swadizan abi Ris yo te fè pandan yo te okipe vil sa a.
Kherson, ki sitye nan sid Ikrèn rete san dlo ni elektrisite.