Avek sitiyasyon sekiritè a ki ap deteryore nan peyi a, wo komandman nan lapolis la deside achete nouvo materyél pou ranfòse asenal li pou yo al konfronte bandi yo, ki tabli kò yo sou pratikman tout kapital la.
Nan emisyon 3yèm Mitan an Rodenay Joseph, yon ansyen militè e spesyalis nan sekirite deklare ke fòs polis nasyonal yo al mal itilize aparèy sa yo.
Mesye Joseph fè konnen ofisye yo pa sipoze itilize blende pou yo al menen operasyon, blende sa yo fèt pou al pote ranfò ak yon apel de detrès, oubyen pote sekou bay on moun ki an difikilte epi kouri ale.
Your browser doesn’t support HTML5
Reaksyon Ekspè Sekirite Rodenay Joseph Sou Fason Polis Nasyonal la Ap itilize Blende
Nan menm entèvyou sa a, Joseph fè konnen ke stateji ki bay rezilta, se pa materyel.
Sou paj rezo sosyal li, PNH anonse ke nouvo materyel sa yo ede l mennen plizyè operasyon ki pote siksè.