End pwal laji relasyon ekonomik li ak LaRisi e kontinye achte petwòl li, se sa minis afè etranjè endyen an di, e li fè konnen enpòtasyon petwòl brut nan men Moskou a bon pou li.
Minis afè etranjè Subrahmanyam Jaishankar di pandan yon vizit nan Moskou ke, kòm 3èm peyi ki konsome plis petwòl, se « obligasyon fondamantal nou »pou nou asire ke konsomatè endyen yo gen meyè aksè posib e nan pri ki plis nan avantaj yo sou mache entènasyonal yo. »
Li pale konsa apre yon rankont ak tokay ris li Sergey Lavrov ayè madi-a.
Nan premye vizit li nan LaRisi depi konfli Ikrèn nan te pete, minis endyen an re-afime relasyon New Delhi ak Moskou ki la lontan, e ke li kalifye kòm yon relasyon ki toujou kenbe e ki la malgre tout tan ki pase sou li.