Prezidan Ikrèn Volodymyr Zelenskyy te kanpe sou kote yon drone ke fòs li-yo te desann, di Jodi vandredi a, e li di “agresè-a ap kontinye simen laterè. Yo atake nou ankò etan anlè…”
Li di : “Yo lanse plis pase 30 drone nan 2 jou. Moun-yo k-ap defann syèl-nou-an te anpeche lènmi-an atake peyi-nou-an an pasan pa pòt dèyè e yo desann 23 Shahed, » an palan de drone iranyen yo.
Zelenskyy di pandan peryòd sa-a, « LaRisi lanse 4-mil-500 frap misil ak plis pase 8-mil atak aeryen. Men n-ap goumen, nou pwal desann plis nan yo.
Pa gen nouvèl touswit ki di si gen viktim.
Nan yon diskou sou politik afè etranjè ayè jedi-a, Prezidan ris Vladimir Putin akize nasyon-yo nan loksidan kòmkwa y-ap chache domine mond-la, e li di dizèn lane k-ap vini-an pwal youn nan peryòd ki pi danjere depi finisman 2èm Gè Mondyal la.