Etazini, Grand Bretay ak Lafrans mande Konsèy Sekirite l-ONU pou diskite sou kesyon LaRisi k ap swa-dizan sèvi ak drone ke Iran fabrike nan lagè Ikrèn nan.
Kèk diplomat di madi demand lan vle pou yon responsab l-ONU di konsèy la sa li konnen, nan yon reyinyon ak pòt fèmen mèkredi.
Otorite nan Ikrèn di drone yo ki te te sèvi nan vag atak ki te fèt nan semèn pase a, antwòt sou kapital la Kyèv, sete drone Shahed-136 ke Iran fabrike, ke LaRisi te anplwaye pou pote eksplozif e ki te kraze sou pozisyon ke yo te vize.
Iran demanti ke li te founi LaRisi drone, e otorite ris yo demanti ke yo te sèvi ak drone sa yo.