Yon tribinal federal deside mèkredi ke yon pwogram ki pwoteje dè santèn jèn imigran kont depòtasyon, li ilegal men li di ke moun ki anwole kounye a ladann ka renouvle estate yo e li voye ka a ale nan yon tribinal ki pi ba pou konsidere kèk nouvo regleman administrasyon Biden nan.
Yon panel 3 jij nan 5èm Kou Dapèl federal-la ki gen tandans sitou konsèvatè di nan yon dokiman 46 paj gen yon desizyon nan yon tribinal ki pi ba kont pwogram nan ki rele Deferred Action pou Childwood Arrivals, Aksyon pou Retade Depòtasyon moun ki te Antre nan peyi a Timoun. Jij yo voye ka a nan tribinal ki pi ba a paske yo konnen gen nouvo regleman ki te parèt nan mwa Daout pase.
Desizyon sa a vini ka pwoblèm pou Prezidan Etazini Joe Biden, yon Demokrat, ki te di li vle yon chimen k ap mennen nan sitwayènte ameriken pou moun DACA yo ke anpil moun rele Dreamers yo, moun k-ap reve yo.
Tribinal la pèmèt 549-mil moun DACA yo kenbe estati yo men li kontinye bloke nouvo aplikasyon.