Ian repran fòs li e li vire nan direksyon Kawolin di Sid, apre yon jounen kote li te devaste yon pati eta Florid.
Sant Nasyonal Meteyowoloji Etazini an di siklòn nan pote avè'l van kap soufle ak yon vitès 120 kilomèt alè.
Li te santre a yon distans 386 kilomèt ak Charleston, Kawolin di Sid e lap deplase nan direksyon nòdès la ak yon vitès 16 kilomèt alè.
Ian monte sou kòt wès Florid Mèkredi ak fòs yon siklòn Kategori 4 ak van ki tap soufle ak yon vitès 241 kilomèt alè.
Siklon nan inode kay, koupe aksè ak yon zile touristik ki popilè anpil, epi kite 2,7 milyon moun san kouran anvan li te pran lanmè epi vire nan direksyon nò a.