Tüsiad di ke yo te jwenn avètisman sa yo nan "Yon lèt ki te siyen pa Adewale Adeyemo ki se Asistan Sekretè Trezò Etazini an ki di yo riske pou yo tombe anba sanksyon Amerikèn si konpayi nan peyil yo kontinye ap fè aktivite komèsyal ak Larisi.
Kontni lèt sa, ki date depi Lendi te pibliye nan jounal Ameriken an Wall Street Journal (WSJ), kote yo avèti konpayi Tik yo ke yap riske tonbe anba sanksyon Ameriken si yo ap kite Ris yo itilize yo pou evite sanksyon ke Peyi Lwès yo pran kont yo.
Depatman Trezò a te lanse avètisman an nan yon lèt li te voye bay de òganizasyon anplwayè Tik yo, dapre WSJ.
"Konpayi Tik yo pa ka espere ke yo kapab fè komès ak moun oswa antite Ris ki sanksyone pa Washington epi yo menm pou yo toujou kenbe yon lyen ak Etazini. (...) Bank Tik yo pa ka espere gen lyen ak bank Ris ki sanksyone epi pou yo toujou genyen relasyon ak bank mondyal yo, epi tou pou yo panse yap kapab itilize dola ameriken an."
Prezidan Ris Vladimir Putin ak tokay Tik li a Recep Tayyip Erdogan te anonse yon akò nan kòmansman mwad Out la pou ranfòse enèji ak koperasyon ekonomik, apre reyinyon ki te fè nan Sochi, nan peyi Larisi.
Ankara te anonse tou ke li a sèvi avek roubles a pou li fè pèman gaz Ris la .