Minis Defans Danwa a te anonse nan Jedi ke 26 peyi te pwomèt 1.5 milya ero pou ekipman ak fòmasyon twoup Ikrenyen yo. Peyi sa yo te fè pwomès sa yo nan yon konferans entènasyonal nan vil Copenhag.
Morten Bødskov te di nan yon konferans pou laprès: "Tout nasyon k ap patisipe yo te pwomèt sipò yo."
Yo pa presise ki montan don egzak ki soti nan chak peyi tankou (Lafrans, Almay ak Etazini) , men Danmark li menm te deside anonse ki kantite kòb li te mete nan anvlòp pa li ki se $114 milyon, ki vle di kounya chif total lajan ke yo bay Ikrèn depi kòmansman lagè a monte a prèske $417 milyon.
Grann Bretay, ki te òganize reyinyon an ansanm ak alye Scandinavian li yo ak Ikrèn, te pwomèt 300 milyon ero.
Minis defans Ikrenyen Oleksiï Reznikov te di."Patenè nou yo konnen ke nou bezwen lajan epi yo te deklare tèt yo pare pou sipòte nou finansyèman."
Gwoup donatè a gen pou rankontre ankò nan mitan mwa septanm nan.
Nan kòmansman semèn sa a, Etazini te anonse nouvo èd militè pou Ikrèn, ki gen ladan misil.