Jounalis Ris Marina Ovsiannikova, ki te vin jwenn popilarite li apre li te entèwonp jounal televizyon leta Ris la ak yon afich ki te kont operasyon militè ris yo nan Ikrèn, te kondane nan Lendi a yon nouvo amann paaske li te denonse konfli a.
Yon tribinal administratif Moskou kondane'l poutèt li te "diskredite" lame Ris la. Madam Ovsiannikova pral oblije peye yon amann 40,000 rubles (apeprè 650 ero nan echanj aktyèl la), li te di sa sou kont Telegram li.
Avoka li a, Dmitry Zakhvatov, di AFP ke jounalis la te kondane sou baz yon mesaj li te pibliye sou Facebook.
Li te deja kondane nan fen Jiyè pou l peye yon amann pou menm rezon an. 2 kondanasyon ki gen mwens pase sis mwa apa, sa ki ap pave wout pou yon dosye kriminèl, ak konsekans legal potansyèl pi lou.
Madam Ovsiannikova, ki kontinye ap kritike ak anpil fòs ofansif Ris yo nan Ikrèn malgre menas legal yo, te pataje tou tèks defans li a.