Fòs Ikrèn yo frape yon pon estratejik enpòtan nan sid peyi a, lè yo te sèvi ak sistèm wokèt ke Etazini te voye ba yo, dapre yon otorite ke LaRisi te nonmen.
Pon Antonivskyi ki travèse flèv Dniepr te fèmen mèkredi apre frap Ikrèn nan.
Kirill Stremousov, asistan chef administrasyon ke LaRisi te nonmen pou rejyon Kherson nan, fè konnen pon an te kanpe toujou apre frap Madi swa a, men ke platfòm li te chaje ak twou.
Stremousov fè konnen fòs Ikrèn yo te sèvi ak Sistèm Lans Wokèt Mobil ki rele HIMARS pou lanse atak la.
Pon an se yon mwayen kominikasyon kle ki pèmèt LaRisi pote pwovizyon bay fòs li nan sid Ikrèn.