Otorite militè yo nan peyi Myanmar (Birmani) ekzekite 4 militan pou demokrasi anba akizasyon ke yo te ede lanse "atak teworis", dapre sa medya leta di lendi, e se premye ekzekisyon ki fèt nan nasyon sa a nan lès Azi a depi dè dizèn lane.
Militan sa yo te jwenn santans lanmò yo nan mwa Janvye apre yon jijman ak pòt fèmen. Pami yo gen yon ansyen palmantè.
Kèk ekspè l-ONU kalifye santans lanmò kòm yon fason lèd pou simen laperèz.