Ikrèn moute drapo ble e jòn li sou zile Sèpan an nan Lanmè Nwa a, jedi, pou moutre ke li defye LaRisi, men Moskou reponn byen vit ak yon atak ki detwi yon pati nan avan-pòs la.
Kontwòl zile a ki sitye ak yon distans 140 kilomèt nan pati sid Odesa, te an diskisyon depi Prezidan ris Vladimir Putin te anvayi Ikrèn, sa gen plis pase 4 mwa.
Lè gè a te fèk tanmen, LaRisi te bonbade zile a apre sòlda Ikrèn te reponn ak pawòl sal lè ekipaj bato de gè Moskva te reklame pou yo rann tèt-yo. Ikrèn te enprime yon tenm pou fè sonje jan solda yo te defye lòd sa a.
LaRisi te kontwole zile a pandan yon bon bout tan nan lagè a, jiskaske Ikrèn te repran li semèn pase a, malgre LaRisi fè konnen li te wete kò l kòm yon jès bòn volonte.
Sòlda Ikrèn yo moute drapo a jedi, sou yon moso tè akote yon bilding.