Shinzo Abe, ansyen premye minis japonè a ki gen anpil enfliyans politik, tonbe epi pèdi konesans apre yon moun tire'l nan pwatrin pandan li tap bay yon diskou Vandredi anvan eleksyon palmantè Dimanch la.
Dapre laprès japonèz, Abe tap pale nan yon stasyon tren nan vil Nara, a lès Osaka lè yon nèg ak zam te pwoche bo kote'l pa dèyè ak sa ki te sanble yon fizi.
Apre 2 kout zam, Abe te tonbe atè, li te pèdi konesans e li tap senyen. Yo mennen li lopital, kote laprès lokal di li fè yon atak kadyak.
Videyo kap sikile sou rezo sosyal yo montre moun kap kouri pou ede Abe, ki te kouche atè tou long, endispoze.
Footage of Japan%27s ex-PM Abe being shot: https://t.co/QdXqAL2TY3
— William Gallo (@GalloVOA) July 8, 2022
Chèn televizyon japonèz NHK fè konnen yo arete sispèk la.
Nouvèl sa a boulèse Japon, yon peyi ki gen lwa pi sevè sou zam nan mond lan, e ki kote pa gen anpil zak vyolans ak zam ki fèt.
Abe se premye minis japonè ki pase plis tan sou pouvwa a. Li te demisyonen nan mwad Out 2020, men li te rete aktiv nan politik. Li rete kom youn nan politisyen ki gen plis enfliyans nan pati Liberal Demokratik la ki o pouvwa.
Priz vi jeneral zon kote yo tire Premye Minis Japone Shinzo Abe pandan li tap mennen kanpay pou eleksyon 10 Jiye a nan vil Nara, rejyon wes Japon, 8 Jiye 2022.
Anbasade Etazini nan peyi Japon, Rahm Emanuel pibliye yon deklarasyon kote li di "Abe-san se yon lidè japonè ekstraodinè ak yon alye fidèl peyi Etazini. Gouvènman ak pèp Ameriken an ap lapriyè pou byenèt Abe-san, fanmi li ak pèp Japonè a."
We are all saddened and shocked by the shooting of former Prime Minister Abe Shinzo. Abe-san has been an outstanding leader of Japan and unwavering ally of the U.S. The U.S. Government and American people are praying for the well-being of Abe-san, his family, & people of Japan.
— ラーム・エマニュエル駐日米国大使 (@USAmbJapan) July 8, 2022
Sekretè d'Eta Blinken, ki nan Bali, Endonezi pou asiste yon rankont ministeryèl G20 deklare "nap lapriyè pou Abe ak fanmi li ak pèp Japonè a. Se yon moman ki trè trè tris, e nap tann plis enfomasyon."
Korespondan VOA nan vil Seoul, Kore di Sid William Gallo ekri vesyon orijinal nouvel sa a. Korespondan VOA nan Depatman d'Eta Nike Ching kontribye a repotaj sa a depi Bali, Endonezi.