Sivil yo kontinye ap evakye vil Sloviansk ke sòlda ris yo ap bondade nan pati lès Ikrèn; vil sa a se pwochen objektif Larisi nan kad plan li genyen pou l pran kontwòl tout Basen Bonbass la; se priyorite li 4 mwa apre konfli a te kòmanse.
Majistra vil Sloviansk la, Vadim Liakh, deklare:
“Evakyasyon an ap dewoule aktyèlman. Nou fè moun yo kite vil la chak jou…Pou le moman, se 23 mil abitan ki rete” nan Sloviansk, yon vil ki te genyen 100 mil abitan anvan konfli a. “17 mouri tandiske 67 lòt blese” depi konfwontasyon yo te kòmanse.
Menm jan ak lòt otorite lokal yo, Liakh fè konnen fòs militè ikrenyen yo t ap repouse tantativ sòlda ris yo t ap fè pou yo mache pran Slovians ak vil jimèl li, Kramatorsk, ki se sant administratif pati nan Donbass ki anba kontwòl Larisi a.
Selon majistra a toujou, “Ris yo pa rive pwoche bò kote Sloviansk ni ansekle vil sa a”, paske sòlda ikrenyen yo rive bloke yo sou yon distans 40 kilomèt ak vil la.