Depi plis ke 4 jou sa yo rele mouvman pwotestasyon endijèn ki reyini plizyè etidyan, manm sektè transpò ap bloke wout nan Kito e nan anviwon 15 nan 24 pwovens peyi-a.
Pép la ap manifeste kont la vi chè ak pri gaz-la ki monte 17wotè.
Guillermo Lasso fè konnen li pare pou dyaloge pou jwen yon solisyon nan tet ansanm devan kriz la .
Prezidan deklare "Nou dwe chita bò yon tab la e chèche solisyon yo ansanm . Dyalog se pi bon solisyon an."
Devan deteryorasyon kriz politik la ak pèp la k ap denonse move kondisyon la vi a, pouvwa an plas la mize sou negosyasyon.
"Nou ensiste sou volonte pounn fe dyalog . Plizyè òganizasyon pwopoze pou jwe wòl medyatè tan kou legliz, Nasyon Zini , ak inivèsite yo…yo tout byenveni."
Pandansetan manifestasyon ap kontinye e pèp la ap move chak jou pi plis e yo menm vle pase nan yon lòt nivo vyolans .
Prezidan Lasso , piblikman, di pa gen sa pyès :
"Nou pare pou anpeche manifestasyon yo vin pi vyolan e n ap itilize lafòs nan kad lalwa."
Se Konfederasyon nasyonalite endijèn Ekwatè , ki se pi gwo òganizasyon pèp endijèn yo ki lanse mouvman pwotestasyon sa a depi lendi e ki ap mande prensipalman pou pri gaz la bese .
Men sitiyasyon an rete konplike malgre apel o dyalog prezidan Guillermo Lasso lanse a.