Yon dam nan eta Nevada pèdi tantativ li tap fè nan tribinal Etazini pou'l fòse vedèt foutbòl entènasyonal Cristiano Ronaldo peye plizyè milyon dola dedomajman an plis pase $375,000 lajan li te resevwa pou'l "pe bouch li" apre li t deklare ke foutbolè a te vyole li nan Las Vegas an 2009.
Yon jij nan Las Vegas voye jete ka a byen ta Vandredi pou pini avoka dam nan pou move konpòtman ni epi paske li te sèvi ak dokiman konfidansyèl li te volè pou defann pozisyon l.
Avoka tou le 2 pati yo pat reponn demann Associated Press te fè pou komantè Samdi.
Ekip legal Ronaldo yo pa demanti ke mesye-dam yo efektivman te gen relasyon seksyèl, men yo ensiste pou di relasyon sa yo te konsansyèl e ke akò konfidansyalite a anpeche tou lè 2 pati yo pale piblikman sou kesyon an.