Prezidan Etazini Joe Biden ak prezidan brezilyen Jair Bolsonaro rankontre pou premye fwa. Rankont sa a fèt jedi pandan yo 2 a t ap patisipe nan somè lidè nasyon yo nan emisfè Wès la ke Biden ap òganize nan Los Angeles nan eta Kalifòni.
2 mesye yo pa te janm rankontre ni pale antre yo anvan rankont ayè jedi a. Nan pati piblik rankont yo a, Biden chante lwanj pou sa li rele demokrasi Brezil k ap byen mennen, ki gen patisipasyon tout tandans ak enstitisyon elektoral yo ki solid.
Bolsonaro pwal chache yon nouvo manda ane sa a e li kontinye ap repete pawòl ki pa chita sou okenn prèv konsènan sistèm vòt-la nan peyi-l. Kèk analis brezilyen wè kòmantè li yo kòm yon efò Bolsonaro pou lage dout sou rezilta eleksyon ki pwal dewoule nan mwa Oktòb k ap vini an.
---