Lucien, ki se yon rezidan nan zòn nan di AFP ke "Mesye ame gang yo +400 Mawozo+ te mete dife nan kay mwen" epi "touye plizyè nan vwazen mwen yo anvan yo boule kay yo tou".
"Yo vyole fanm ak tifi lè yo rive antre nan yon kay".
Lucien te oblije kite kay li al pran refij ak "(manman) li ki malad" sou yon plas piblik.
Nan distri sa gen omwen 18 sivil ki mouri depi dimanch, dapre deklarasyon pwoteksyon sivil ayisyen an.
Menm jan ak Lucien, plizyè santèn moun te kouri kite zòn nan pandan konfwontasyon ant 2 gang yo . Men gen plizyè lòt moun ki rete kwense andan lakay yo.
Pami yo, yon rezidan, ki mande pou pa site non li, rezidan sa gen on ti frè li ki te resevwa "yon bal mawon nan janm li dimanch, pandan li te andan lakay li".
"Nou te rive anpeche li sispann senyen nan jamb lan men nou pa ka pran risk pou mennen l 'nan lopital la epi nou pa gen okenn medikaman pou soulaje doulè li genyen yo".
- Kwense san dlo oswa manje -
Pandan ke zam otomatik yo ap chante nan katye popilè sa depi 4 jou, abitan yo gen gwo pwoblèm, anpil nan yo rete san yo pa manje osinon bwè dlo.
Yon jèn rezidan di "Nou pa gen ni dlo ni manje ankò," rezidan sa gen Papa l ', ki soufri dyabèt ak tansyon "aktyèlman li trouvel nan yon kondisyon ki kritik, yo di yo pa gen okenn fason yo ale ak achte medikaman epi li pa nan kondisyon yo vwayaje avè l'.
Depi lontan nan zòn ki defavorize yo nan bò lanmè Pòtoprens, aktivite gang ame yo te ogmante anpil nan vil la ak nan peyi a depi sezon otòn 2020 la, zak asasinay ak kidnapin yo te ogmante.