Ikrèn

Premye Minis Ikrèn nan di Mariupol Toujou Anba Kontwòl Ikrèn

  • Serge Michel

Local residents walk past a destroyed part of the Illich Iron & Steel Works Metallurgical Plant, the second largest metallurgical enterprise in Ukraine, in Mariupol, April 16, 2022.

Premye-minis Ikrèn nan fè konnen dimanch ke vil Mariupol ki gen yon pò estratejik rete anba kontwòl Ikrèn.

"Vil-la pa tonbe," se Premye-minis Denys Shmyhal ki pale konsa nan emisyon This Week, Semèn sa-a, sou chèn televizyon ameriken ABC, kèk èd-tan apre delè LaRisi a te fin pase pou konbatan yo ki bloke nan vil la ki anba syèj te remèt zam yo.

PM nan di, "Se fòs militè nou yo ye toujou, sòlda nou. Konsa y ap batay jouk sa kaba."

Lè yo poze l kesyon sou nouvèl kòmkwa Prezidan ris Vladimir Putin kwè ke Moskou ap genyen gè-a, Shmyhal fè wè ke malgre plizyè vil anba syèj, se sèlman Kherson ki tonbe anba kontwòl LaRisi.