Lekol pou tout elèv pral louvri semèn sa a . Daprè sa Ministè edikasyon Taliban ap dirije nan Afghanistan an anonse lendi 21 mas, e se premye fwa li bay siy klè konsa ke tifi yo pral jwenn pèmisyon pou yo tounen lekol.
Yo pat janm vle tifi jwenn edikasyon ki depase sizyèm ane depi Taliban yo te pran pouvwa a nan mwa Out pase.
Komunote entènasyonal la te toujou ap ankouraje dirijan Taliban yo pou yo pemèt tifi yo retounen lekol. Nan komansman ane a, nouvo dirijan yo te louvri pòt inivèsite pou medam yo, malgre klas yo te separe ant gason ak fi. Yo te promèt tifi yo tap jwenn pèmisyon pou yo retounen nan klas nan tout nivo apre koumansman ane afghan an ke yo sot selebre lendi 21 mas.
Komunike a di klas yo ap komanse mèkredi semèn sa a.
Malgre kominike ministè a pa pale direkteman de tifi yo, li di Ministè edikasyon an asire nasyon an ke li pran angajman pou respekte dwa pou tout sitwayen ni yo jwenn edikasyon.