Lèzetazini anonse Mèkredi ke l ap bay tout Afgan k ap viv sou tèritwa li, yon estati "pwoteksyon tanporè" TPS, ki la pou ede yo travay nan peyi a san kè sote e viv tankou tout sitwayen nòmal ki gen papye. Pèmi sa a ba yo dwa pou travay pandan 18 pwochen mwa kap vini yo.
Minis Sekirite Enteryè Alejandro Mayorkas pibliye yon deklarasyon ki di "Estati TPS la pral pwoteje Afgan k ap viv Ozetazini pou yo pa oblije retounen nan peyi yo kote gen gwo ensekirite".