GOTLAND, Swèd —
La Swèd deklare gen 4 avyon Ris ki vyole espas ayeryen li lè yo sivole Lanmè Baltik la Mèkredi.
Avyon sa yo - 2 avyon lagè SU-27 ak 2 SU-24 te antre nan espas ayeryen La Swèd pandan yon ti tan a lès zile Gotland, dapre yon responsab fos zame yo.
"Lè w konsidere sityasyon aktyèl la nou gen anpil kè sote pou ensidan sa a, " chèf Fos Ayeryèn La Swèd, Carl-Johan Edstrom deklare. "Se yon konpotman ki pa pwofesyonèl e iresponsab bo kote La Risi."
Avyon de gè Swedwa yo te kouri vit pran potre djèt Ris yo dapre yon deklarasyon yo pibliye.
"Sa montre nou pare. Nou te nan pozisyon pou nou defann entegrite teritoryal La Swèd," Edstrom deklare. "Nou gen kontwol total sityasyon an.