Nan yon konferans pou laprès mekredi 23 fevriye a nan Jenèv, direktè jeneral OMS la, Tedros Adhanom Gebreyesus anonse ke nouvo sant la ap tabli nan Kore du Sud e ap pataje teknolojy RNAm ke OMS ak patnè li yo ap develope nan Afrik du Sud. Se la savan yo ap travay pou rekreye vaksen Moderna pou COVID-19 la san ke yo pa resevwa okennnn asistans nan men Moderna.
Pandan pandemi Koronavirus la ap frape peyi pov yo pi plis ki gen systèm swen sante frajil lakay yo, responsab Oganizasyon Mondyal Lasante yo ap debwouye yo pou yo ka jwenn fason pou sove lavi. Tedros di vaksen yo ede devye kouss pandemic COVID-19 la, men ke viktwa syantifik sa a diminye akoz inegalite nan distribisyon zouti sa yo pou sove lavi.
Se premye fwa Oganizasyon Mondyal lasante apiye demach k-ap kreye wout konsa pou chache engredyan prensipal nan yon vaksen ki deja sou mache a e kontoune endustri medikaman an ki bay peyi rich yo priorite sou peyi pov yo ni nan lavant, ni nan fabrikayon remèd yo.
2 konpayi ki gen otorizasyon pou sèvi ak mRNA pou fè vaksen pou COVID-19 , an palan de Moderna ak Pfizer -BioNTech, yo pa vle pataje konesans teknoloji vaksen yo a avek OMS e ak patnè li yo. Si fabrikan yo dakè pou yo ede, tan pou fe vaksen ke moun ka pran an ap pi kout.