Konsèy Sekirite Nasyonzini an lanse apèl pou responsab Ayisyen yo mennen devan la jistis tou moun ki responsab pou zak vyolans yo. Konsèy la eksprime tou gwo kè sote pou "kriz kap kontinye e ogmante" nan peyi a, pami yo zak vyolans gang yo ap komèt.
Manm konsèy la mande politisyen yo "patisipe yon fason konstriktif pou jwenn solisyon pou koz ensekirite a epi trase yon chemen pou eleksyon ka dewoule".
Your browser doesn’t support HTML5
Direktris BINUH Eksprime Ke Sote li pou Sityasyon Ayiti
Konsèy Sekirite a pibliye yon nòt pou laprès apre rankont li te fè Vandredi a, kote Anvwaye Espesyal Sekretè Jeneral la, Helen La Lime te dekri sityasyon an ann Ayiti kom "pwoblematik e trè politize".
Madan La Lime di "zak vyolans gang yo kontinye plonje vil peyi a nan yon sityasyon kote krim komèt ak enpinite epi simen dèy nan mitan popilasyon an."
Enfomasyon pou repotaj sa a soti nan Associated Press