Prezidan franse Emmanuel Macron te rankontre ak Prezidan LaRisi Vladimir Putin lendi, kote yo t ap chache redwi menas yon envazyon LaRusi nan Ikrèn, men Kremlen an te fè konnen davans li pa espere yon solisyon touswit pou enpas li ak loksidan an.
Nan koumansman reyinyon yo a, Macron te di Putin, "Diskisyon sa a ka fè premye pa nan direksyon kote n ap chache ale a, ki se kalme tansyon an pou evite yon gè e bati eleman k ap tabli konfyans, stabilite, e fè pèsonn pa rete anba tab la.
"Sityasyon an twò konplike pou nou espere li ka jwenn solisyon touswit nan yon sèl rankont," se sa pòtpawòl Kremlen an Dmitry Peskov di jounalis yo.
Peskov di, "Nan jou ki pase yo pa gen anyen nouvo sou kesyon garanti sekirite pou LaRisi. Moun yo nan loksidan an k ap pale ak nou yo pito pa pale sou sijè sa a."
Moskou deplwaye plis pase 100,000 sòlda arebò fwontyè li ak pati lès Ukrèn e ak alye li Belarus, e loksidan krenn ke Putin pa bay lòd pou yon envazyon nenpòt lè nan ansyen repiblik sovyetik Moskou a.