Benjamin Netanyahu, ki te dirije peyi a 2009 rive jen 2021, Lajistis te akize l pou koripsyon, vyolasyon konfyans ak detounman lajan.
Nan yon anrejistreman ki te difize nan yon emisyon sou yon chèn televizyon, plizyè otorite nan lapolis la sanble tap diskite sou pirataj telefòn Shlomo Filber, yon zanmi pwòch Benjamin Netanyahu, ki te vin yon temwen kle nan pwosè ke lajistis gen kont li a.
Dapre chèn televizyon an, yo te pran foto, nimewo telefòn ak mesaj nan telefòn li san pèmisyon li e san yon manda.
ISRAEL-US-SECURITY-TECH-RIGHTS-SPYWARE
Li pa t klè si yo te pirate telefòn Mesye Filber ak lojisyèl Pegasus oswa on lòt lojisyèl.
Yon pòtpawòl fòs polis la te di AFP "Lapolis Izraelyen an pral kolabore totalman ak transparans" ak ekip pwokirè jeneral la nonmen pou mennen ankèt,
Shlomo Filber, yon zanmi pwòch Mesye Netanyahu ki te nonmen l 'direktè jeneral nan Ministè Kominikasyon an, te dakò nan 2018 pou kolabore ak envestigatè yo an echanj pou garanti ke li pa prale nan prizon..