Administrasyon Biden nan pwopoze ogmante pri preske tout viza pou moun ki pa imigran. Aloske otorite ameriken yo di aksyon sa a nesesè pou pri viza yo plis ann akò avek sa li koute pou bay viza sa yo.
Kritik yo krenn ke si administrasyon an pa abòde kesyon tan sa pran pou yon moun resevwa Viza--- ogmantasyon frè sa a ka vle di mwens moun ap vwayaje e mwens Etudyan ap antre Etazini.
Daprè yon nòt ki parèt nan Rejis Federal ki se piblikasyon ofisyèl gouvènman ameriken an, Depatman d'Eta espere ke nouvo pri sa yo ap antre ann aplikasyon nan mwa septanm pou pita e ke l-ap resevwa komantè sou ogmantasyon ke gouvènman an propoze yo jiska 28 fevriye.
Daprè sa David Bier yon ekspè nan politik immigrasyon nan Enstiti Cato di Lavwadlamerik: “Tout ogmantasyon nan frè vwayaj yo rive nan yon moman kote touris ak vwayaj nan Etazuni deja nan yon nivo ki pi ba pase jan li te janm ye anvan, e nan moman Depatman Deta deside fè moun tann ant 6 mwa a 1 lane anpil kote pou yon viza touris oubyen biznis .”
Chif Depatman d'Eta yo montre viza ke moun aplike pi plis pou yo se viza touris, biznis ak etid.