Depatman Deta ameriken an pibliye, nan jounen jedi 18 mas 2021 an, yon kominike kote li anonse yon rankont vityèl ki te dewoule yon jou anvan sa, swa mèkredi 17 mas la, te reyini reprezantan sektè prive Peyi d Ayiti ak Repiblik Dominikèn pou yo te pase an revi pwogrè ki fèt nan kad inisyativ 2 peyi yo lanse ansanm pou yo travay pou yon avni ki ofri plis pwosperite pou yo tou le 2.
Kominike a fè konnen se Laura Lochman, Sou-Sekretè Deta Pwovizwa ou Ayiti, Kanada ak Karayib la, anbasadè Lèzetazini nan Pòtoprens, Michele Sison, ak Chaje Dafè anbasad Lèzetazini nan Repiblik Dominikèn, Robert Thomas, ki te konvoke reyinyon an
Daprè kominike Depatman Deta a toujou, nan mitan defi ki te poze pandan 2 zan ki pase yo, dyalòg pèmanan sa a tounen yon mekamism ki itil pou pèmèt Ayiti ak Repiblik Dominikèn fè diskisyon kote yo kolabare epi reyalize objektif ki pratik e klè.
Nan yon atik jounal anliyn Juno7-com pibliye sou rankont la, li fè konnen: “Patisipan yo renouvle angajman yo pran vizavi yon seri priyorite yo vize pou yo amelyore klima a nan sektè biznis la, bay komès la yon karaktè fòmèl, ankouraje eta de dwa, menm jan y ap ankouraje devlopman nan zòn fwontyè ayisyano-dominiken an.