Ansyen Direktè Jeneral Polis Nasyonal la, sou Rejim Martelly/Lamorthe, Godson Orelus, pase yon 3èm nwit nan prizon apre yon jij enstriksyon nan vil Sen Mak fin enkilpe l pou trafik zam ak asosyasyon malfektè.
Yon delegasyon wo nivo polis nasyonal la te vizite ansyen direktè a an siy de solidarite. Jij enstriksyon Sen Marc la, Lumeran Dieunel, rann ansyen DG PNH la responsab pou antre ilegal yon koli zam nan peyi Dayiti an septanm 2016. Avoka Mesye Orelus yo ap fè demach pou jwenn liberasyon pwovizwa ansyen responsab polis nasyonal la.
Grè Majistra yo ap kontinye:
Asosyasyon Majistra Pòtoprens la, ki te reyini an asanble jeneral ekstraòdinè, anonse li pral kontinye obsève yon arè travay an atandan komisè gouvènman Pòtoprens la, Mèt Ocnam Clame Dameus, kite pòs la mete ak arestasyon direktè depatmantal Lwès la, Berson Soljour ak lòt polisye ki enplike nan yon altèkasyon ak avoka e wisye pakè Pòtoprens la, kote komisè ta frape wisye a ak yon radyo kominikasyon ki te nan men l.